Liam Hemsworth zakonisht është shumë i rezervuar në lidhje me jetën e tij private, por nuk ka preferuar të tregohet i tillë për ditëlindjen e 24-ët të fejuarës së tij, Miley Cyrus. Aktori i mirënjohur i uroi asaj ditëlindjen publikisht në Instagram , me një mesazh shumë të ëmbël.

“Gëzuar ditëlindjen ëngjëllit tim të vogël të preferuar” shkroi Liam në një foto në Instagram. Foto në të cilën vajza e ditëlindjes mban një kuti të dekoruar me shumë zemra e yje, dhe sigurisht një buzëqeshje në fytyrën e saj.

Mesa duket në atë kuti, paska qenë diçka shumë e veçantë, një unazë me diamantë shumëngjyrësh, e cila ka bërë që dora e këngëtares të shkëlqejë! Dhe Miley nuk mund të mos u tregonte 56 mln ndjekësve të saj këtë dhuratë të mrekullueshme nga i fejuari.

Gëzuar ditëlindjen Miley!