Një raportim i fundit i revistës Life & Style pretendon se çifti janë tashmë të martuar. Dy personazhet të cilët rindezen romancën e tyre në Australi përgjatë Krishtlindjeve, nuk kanë harxhuar kohë dhe kanë lidhur kurorë në një ceremoni të fshehtë dhe private në plazh. Burimi i këtij lajmi ka treguar për Life & Style se Miley 23 dhe Liam 26 vjeç e kanë ndarë "sekretin" e tyre vetëm me miqtë e afërt, tek të cilët thuhet se kanë filluar ta thërrasin njëri-tjetrin si burrë e grua. Artikulli shkon edhe më thellë në detaje, duke treguar se gjatë shkëmbimit të unazave, të cilat ishin të vendosura në gjethe palme, Liam i ka shprehur dashurinë këngëtares, ndërsa kjo e fundit ka shpërthyer në lot. Nuk ka ende një konfirmim nga ana e vetë çiftit rreth këtij lajmi, por duket se gjithçka do të bëhet zyrtare në muajin mars. Deri atëherë, të na trashëgohen!