Komentatori ushtarak, Miroslav Lazanski, në një emision televiziv në kanalin televiziv serb RTS ka shfaqur një qëndrim tronditës ku thotë se ish-presidenti i Serbisë Slobodan Millosheviç, ishte shitur në gjykatën e Hagës për 10 milionë dollarë. Ky informacion u konfirmua në të njëjtin emision televiziv nga avokati i famshëm Tom Fila, i cili thotë se njerëzit nga maja e shtetit rus vazhdimisht kanë thënë se Millosheviçi ishte “shitur, por nuk është dorëzuar”.
Në duelin televiziv me udhëheqësin e Partisë Liberale Demokratike në Serbi, Çedomir Jovanoviç, Lazanski tha se ishte “krejtësisht e qartë” se dikush mori miliona për kokën e Millosheviçit, raporton “Vestinet”. “Ata shitën Presidentin Millosheviç! Kishte një shpërblim prej 10 milion dollarësh. Kush i mori ato para, nuk e di, por natyrisht dikush i mori. Millosheviçi u shit dhe dikush mori çmimin më të lartë. Ashtu si Mlladiç, ashtu si Karaxhiç…”, tha Lazanski.
“Isha me Millosheviçin natën e arrestimit. Unë po përpiqesha ta shpëtoja kokën. Të tre presidentët, Milutinoviç, Gjinxhiç dhe Koshtunica, kanë nënshkruar që të mos e arrestojnë atë. I thashë menjëherë: Kjo është me vlerë për ty sonte, këta njerëz po gënjejnë për ju… Nuk e di nëse dikush ka marrë para, por kam dëgjuar nga rusët se Millosheviçi është shitur dhe nuk është dorëzuar në Hagë. Ata më thanë disa herë: Presidenti juaj Millosheviç nuk u dorëzua, atë e shitën!”, deklaroi avokati Tom Fila.
Më tej komentatori ushtarak Lazanksi ka pretenduar se “ çështja nuk shtrohet a u dhanë paratë por kush i mori ato? Përveç kësaj, Milosheviç u dorëzua 24 orë përpara se Kongresi amerikan të vendoste mbi ndihmën financiare për Jugosllavinë. Kusht për këtë ishte që të ekstradohej Millosheviçi, për të miratuar këtë këstin financiar. Kjo ndihmë nuk ka të bëjë fare me çmimin që ishte menduar për disa individë që ishin në krye të qeverisë. Lazanski kujton se Departamenti i Shtetit ka lëshuar një çmim milionësh për kokën e Millosheviçit. Avokati Fila deklaro se ai nuk mund të provojë se ish-presidenti serb i akuzuar për krime lufte u shit.
“Dëgjova nga rusët se Millosheviç nuk u dorëzua, por u shit në Hagë. Ai që mori paratë ishte një njeri shumë i fuqishëm në atë kohë. Dhe e vërteta do të dalë çdo ditë ... "tha Fil. Por kreu i liberaldemokratëve Çedomir Jovanoviç tha se kjo nuk është e vërtetë. Millosheviç dinte gjithçka. Askush nuk e mashtroi atë, as nuk mund ta mashtronte atë në këtë mënyrë ... - tha Jovanoviç.
Sllobodan Millosheviç u arrestua në natën e 1 prillit të vitit 2001, në vilën e tij në Dedinje. Arrestimi u bë më 30 mars dhe përfundoi pas dy ditësh. Më 28 qershor, qeveria e Serbisë miratoi një dekret për ekstradimin e tij në Hagë. Më 11 mars 2006, Millosheviç vdiq në rrethana të pashpjegueshme në Hagë.