Gjashtë ministrat e rinj të kabinetit qeveritar dhe zëvendëskryeministrja janë betuar mbrëmjen e sotme në Presidencë.

Ministrat teknikë dhe zv/kryeministrja u miratuan në seancën e jashtëzakonshme në Kuvend, pasditen e sotme. Ndërkohë, ata kanë bërë menjëherë betimin te Presidenti Bujar Nishani.

Prej ditës së sotme, kabineti Rama do të ketë zv/kryeministren dhe gjashtë ministra teknikë të propozuar nga Lulzim Basha, gjatë takimit të zhvilluar dje me kryeministrin, ku ky i fundit shprehu dakordësinë.