Ministri i Brendshëm, Fatmir Xhafaj, ka udhëtuar drejt Elbasanit, ku ka prezantuar strukturën e re të Policisë së këtij qarku. Të pranishëm kanë qenë edhe ministrat Damian Gjiknuri dhe Blendi Klosi, si dhe 12 drejtorët e Policisë së qarqeve të vendit. Vizita e tij në Elbasan vjen vetëm një ditë pas shpërthimit në lagjen “11 Nëntori”, i cili tronditi qytetin. Në këtë takimin “Platforma e policimit dhe sigurisë në komunitet” mësohet se do të prezantohet modeli i ristrukturuar i drejtorisë së Elbasanit. Xhafaj nga ana tjetër ka deklaruar se kjo mbledhje është organizuar për të diskutuar çështjet e rendit dhe sigurisë, si dhe çështjen e vettingut në polici.