Ministria e Jashtme Shqiptare lajmëron se po ndjek hap pas hapi zhvillimet në Itali, pas goditjes nga tërmetet mëngjesin e sotëm, ku humbn jetën dhjetra persona. Por për çdo problem që mund të hasin shqiptarët në Itali, Ministria e Jashtme ka vënë një numër kontakti. Teksa shpreh solidaritet me italinë fqinje, Ministria e Jashtme lajmëron se deri në këto momente nuk ka asnjë shqiptar të lënduar nga tërmetet.
Ministria e Jashtme:
“Ministria e Punëve të Jashtme është në ndjekje të situatës dhe nga njoftimet e deritanishme nga Ambasada jonë në Romë informohemi se deri në këto momente nuk rezulton që të ketë qytetarë shqiptarë të lënduar.
Ambasada e Republikës së Shqipërisë në Romë për t’ju ardhur në ndihmë, vendos në dispozicion të qytetarëve shqiptarë numrin e emergjencës +393420498192.
Ministria e Punëve te Jashtme, është në ndjekje të situatës dhe do të informojë në vijimësi opinionin publik”.