Java e Inovacionit 2017, e organizuar nga Ministria për Inovacionin dhe Administratën Publike do të çelet javën tjetër me eventin “Fuck Up Night- The Road to Success”. Më 13 Maj, në orën 19:00, Ministria e Inovacionit do të organizojë këtë event te Piramida dhe ka ftuar të gjithë të marrin pjesë. Por çfarë nënkupton ky titull i çuditshëm?

“Fuck up Nights” është një lëvizje globale e lindur në Meksikë në vitin 2012 për të ndarë dëshmi publike të dështimit të biznesit. Qindra njerëz marrin pjesë në çdo ngjarje për të dëgjuar tre deri katër sipërmarrës që ndajnë historitë e dështimeve të tyre. Secili flet 7 minuta dhe mund të përdorë 10 imazhe. Pas çdo folësi, ka një sesion pyetje / përgjigje, si dhe një kohë për biseda (birra).