Ministria e Drejtësisë ka nisur hetim për gjyqtarin që i dha lirinë të dënuarit me burgim të përjetshëm, Gerd Gjinarari.

Lajmi u bë publik nga ministrja Gjonaj që mes të tjerësh njoftoi dhe pezullimin nga detyra të drejtorit të burgut të Drenovës, Kamber Hoxha, një përgjegjës sektori dhe dy specialistë deri në zbardhjen e plotë të ngjarjes.
"Lirimi me kusht i Gjinararit, njohur si "Gjenerali" është në shkelje me ligjin. Për këtë arsye ministria i është drejtuar inspektoriatit duke kërkuar hetimi disiplinor për gjyqtarin", tha ministrja.