Miriam Cani është një këngëtare shumë e dashur për publikun shqiptar. Ajo ka shumë vite në skenën muzikore, por prej kohësh nuk ka marrë pjesë në festivale. Pse vallë ka marrë këtë vendim? Miriami ka zbuluar për herë të parë arsyen në një intervistë për “Revista Class” dhe qenka më e thellë seç e kishim menduar.
"Ka qenë gjithmonë një vendim i imi personal. Ideja e garës është diçka që më krijon shumë siklet, pasi gjatë rrugës mund të lindin shumë keqkuptime. Jam një njeri i ndjeshëm dhe mendoj se mund të mos e përjetoja mirë. Kam dashur të shprehem në mënyrë të drejtpërdrejtë tek publiku me muzikën time apo me projektet e mia artistike", është shprehur këngëtarja.