Blerta Leka ka qenë e ftuar në emisionin “Thumb” ku ka treguar për eksperiencën e saj në ‘Miss Universe’ i cili u mbajt në Los Angeles. Edhe pse nuk arriti të fitojë çmimin e madh, Blerta tregon se e kishte përgatitur veten për diçka të tillë, pasi sipas saj është më tepër çështje gjeopolitike. Megjithatë, përtej ‘Miss Universe’, Blerta me shumë sinqeritet na ka folur edhe për jetën e saj personale.

19-vjeçarja ka rrëfyer se aktualisht në një marrëdhënie dhe djalin fatlum ia ka prezantuar vetëm mamit, babit ende jo. Familja dhe partneri kanë qenë dhe arsyeja kryesore përse ajo është rikthyer sërish në Shqipëri.

“Më priste familja, i dashuri. Po jam në një lidhje, jam shumë e lumtur. Ia kam prezantuar mamit, babit, po pres dhe pak”, tregoi ajo.