Lideri i Iniciativës Qytetare SDP, Oliver Ivanoviç, është plagosur gjatë të shtënave të regjistruara mbrëmjen e djeshme në Veri të Mitrovicës.

Mediat kosovare raportojnë se Ivanoviç nuk ka mundur t’u mbijetojë plagëve.

“Novosti” në Beograd raporton se persona të panjohur kanë shtënë me 4 plumba ndërsa ai po hynte në ambientet e partisë së tij.

Mediat raportojnë se në vendngjarje janë gjetur katër gëzhoja si dhe është gjetur një makinë e djegur e cila dyshohet të jetë e autorëve.

Oliver Ivanoviç u dënua disa herë me paraburgim nga viti 2014 pasi akuzohej për krime lufte ndërsa në 2017 u la i lirë.

Kujtojmë se lideri i serbëve gjatë një deklarate për shqiptarët është shprehur se Serbia i ka nënçmuar pa ta drejtë.

Pas lajmit të vrasjes së tij Serbia ka ndërprerë bisedimet në Bruksel ndërsa presidenti Vuçiç në mesditë ka thirrur një takim urgjent të Këshillit të Serbisë.