Bëhet fjalë për Hygerta Sakon, e cila së fundmi është bërë nostalgjike dhe ka hapur arkivat. Hygerta ka publikuar në rrjetet sociale një foto nga dita e parë e shkollës, kur ishte vetëm 6 vjeçe.

Moderatoria nuk ka hezituar të bëjë edhe përshkrimine fotos, ku flet me detaje për 'trendin' e atyre viteve. "Flokët sikur m'i kanë prerë me tas, fustani me copën që kishte tepruar nga perdet (edhe pse qendisur mjeshtërisht nga motra) dhe duke përqafuar lulen e duke buzëqeshur gjasme se kështu më tha xhaxhi fotografi. E megjithatë edhe pse të varfër më ka marrë malli për atë fëmijërinë e pastër dhe të vërtetë", përfundon Sako.