U diskutua shumë largimi i moderatores Jonida Shehu nga emisioni “Pasdite në Top Channel”.

Arsyeja e cila e detyroi moderatoren të largohej menjëherë ishte për shkak të një kronike të transmetuar përgjatë emisionit për biznesin e Rezarta Shkurtës.

Sipas drejtuesve të Top Channel, kjo kronikë ishte konsideruar publicitet, për të cilin Rezarta Shkurta duhej të paguante.

Në këto kushte, zyra e financës në Top Channel e ka gjobitur me 1500 euro Jonida Shehun.

Moderatorja nuk ka pranuar ta paguajë gjobën duke vendosur të largohet përfundimisht nga ky televizion.

E teksa kaluan disa javë nga largimi, ditëve të fundit u përfol se ajo do të rikthehej në ekran, kësaj radhe në “Klan Plus” me një emision të sajin.

E kontaktuar nga “In Tv.al”, moderatorja ka mohuar një gjë të tillë. Jonida u shpreh se nuk është në dijeni për një projekt të tillë, duke hedhur kështu poshtë hipotezën e shfaqjes së saj në ekranin e “Klan Plus”.