Trejsi Sejdini është kthyer në një ndër vajzat më të komentuara të showbizit dhe më të ndjekura në rrjete sociale e cila po bën namin jo vetëm në Shqipëri por edhe jashtë vendit. Ajo ka mbledhur një numër të madh fansash që e ndjekin me kureshtje dhe bukuroshja i mban të përditësuar me foto e video nga më të ndryshmet.

Trejsi ka festuar së fundmi përvjetorin e saj të 19-të. Veç urimeve të shumta nga familjarë, miq dhe fansa në rrjetet sociale, ajo ka marrë dhe një dhuratë. Një dhuratë, të cilën shumë prej nesh e dëshirojmë.

Një automjet tip "Mercedes-Benz GLC 63 AMG GLC 63 S AMG Coupe" është ajo çka mendojmë se i ka zbukuruar ditëlindjen më shumë se çdo gjë tjetër Trejsit. Me vlerë mbi 120 mijë euro, makina super-luksoze kthen kokën e çdokujt që e sheh në rrugë.