Gjithmonë ndajmë gëzimet dhe dhimbjet tona me të afërmit tanë.

Ata mund të na përkrahin në kohë të vështira ose të jenë të lumtur për fitoret tona të vogla. Sidoqoftë, jeta private në çift duhet të jetë e heshtur, pasi ka të bëjë vetëm ata 2 persona.

Ekzistojnë disa njerëz që thonë çdo gjë, por ka edhe nga ata të tjerë të cilët nuk thonë asgjë. Për këtë arsye ne kemi zgjedhur t’ju tregojmë 7 temat delikate që nuk duhet t’i tregoni kurrë për marrëdhënien tuaj, të tjerat jeni të lirë t’i thoni.

Sekretet

Të flasësh shumë për të dashurin tënd në përgjithësi është gjithmonë shumë e dëmshme për të, pasi të tjerët krijojnë një imazh sipas asaj që t’i u ke lënë të mendojnë, edhe pse ai ndoshta nuk është ashtu. Nëse ai ju thotë diçka nuk është e domosdoshme që ta ndani me të tjerët. Nëse ky informacion do të ishte i destinuar për të tjerët, do të ishte zbuluar pa pjesëmarrjen tënde.

Grindjet

Nuk ka çift që nuk grindet. Këtë ta keni parasysh të gjithë. Ata grinden, pajtohen, grinden sërish e kështu vazhdon e gjithë marrëdhënia. Për këtë arsye nuk ka arsye përse t’u tregoni të tjerëve se jeni zënë. Në nerva e sipër mund të thoni diçka për të cilën mund të pendoheni pasi jeni pajtuar.

Marrëdhëniet seksuale

Dhoma juaj e gjumit është një vend vetëm për 2. Nëse ti u flet miqve të tu për këtë temë rrezikon të mos bëhesh i besuar nga partneri yt. "Intimiteti" ka një kuptim të caktuar. Nëse gjeni disa pika sfiduese në jetën tuaj intime, është më mirë t'i diskutoni ato me partnerin tuaj ose me një psikolog. Ata mund të mbajnë sekretin tuaj.

Eksperiencat e partnerit me ish- të dashurat

"Çfarë ndodh në Vegas, qëndron në Vegas". Kjo është shumë e rëndësishme. Nëse partneri juaj ju zbulon diçka rreth zakoneve të tij të dhomës së gjumit me ish- të dashurat, kjo temë nuk duhet të diskutohet me të tjerët. Përvoja e mëparshme luajnë një rol shumë të rëndësishëm në marrëdhënien tuaj të tanishme. Në fund të fundit, kur jeni së bashku, është koha e duhur për të fituar disa aftësi të reja dhe për të mësuar se cilat praktika intime që sjellin kënaqësi tek të dy.

Frikërat që ka partneri, as me shaka

Frika është ajo që nuk mund ta kontrollojmë. Disa njerëz janë tmerrësisht të frikësuar nga merimangat, ndërsa të tjerët e urrejnë lartësitë. Shaka për gjëra të tilla duhet të ndalohet, aq më tepër ta përdorni këtë gjë për të argëtuar të tjerët. Ju duhet të bëni më mirë të ndihmoni partnerin tuaj të luftojë frikën e tij. Ndoshta herën tjetër bashkëshorti juaj do të jetë më i sigurt.

Problemet financiare

Një periudhë e keqe financiarisht apo edhe të ardhurat e larta nuk duhen diskutuar me të tjerët, madje as me miqtë e ngushtë. Buxheti i familjes suaj është puna juaj. Nëse keni nevojë për ndihmën e familjes suaj, është më mirë ta diskutoni këtë temë me partnerin tuaj më parë.

Të metat që ka partneri

Është shumë e rëndësishme që ju të pajtoheni me të metat që ka partneri me kalimin e kohës, dhe nuk është e nevojshme që ato t’i dinë dhe të afërmit e tu. Mund të ndodh që ato të mos t’i harrojnë kurrë dhe t’i përmendin në një kohë të gabuar. Nëse nuk të pëlqen diçka tregoja partnerit tënd. Kjo ndoshta do ta ndihmojë që ta përmirësojë të metën e tij.