AMA shtyn sërish mbylljen e transmetimeve analoge televizive. Bëhet fjalë për qarqet Tiranë, Durrës dhe Vlorë. Më herët ishte parashikuar që ato të mbylleshin në datën 15 janar 2019 dhe tani u vendos një datë e re 1 shtator 2019.

Autoriteti i Mediave Audiovizive sqaron se vendimi për digjitalizimin është shtyrë, pasi ka marrë në konsideratë se në qarqet Tiranë, Durrës dhe Vlorë është përqëndruar numri më i madh i banorëve dhe se deri më tani nuk është siguruar sasia e mjaftueshme e dekoderave të tipit DVB-T2.
Në këto tre qarqe aktualisht bashkë ekzistojnë të dyja teknologjitë e transmetimit, si ato analoge ashtu edhe ato numerike. Familjet, tashmë të pajisura me dekoder, vijojnë transmetimet digjitale tokësore të cilat sigurojnë cilësi të lartë në 36 kanale televizive pa pagesë.