Bill Gates ka treguar idetë e tij mbi kur prindërit duhet t’u japin fëmijëve të tyre një smartphone ndërkohë që po jepte një intervistë për The Mirror. Themeluesi i Microsoft tregon që nuk u ka dhënë fëmijëve të tij smartphone përpara se të bënin 14 vjeç, pavarësisht se ata ankoheshin që fëmijët e tjerë i kishin marrë më shpejt. Gates dhe gruaja e tij Melinda kanë 3 fëmijë, sot 20, 17 dhe 14 vjeç dhe asnjëri prej tyre nuk ka marrë një smartphone përpara se të futej në gjimnaz. Ai tregon se nuk ka celularë në tavolinën e tyre të bukës dhe nuk shihet as televizor pas një ore të caktuar. Kjo sipas tij i mbron fëmijët, si dhe u jep mundësinë të flenë në një orë të arsyeshme.