Si pasojë e një shpërthimi afër një stacioni metroje në Moskë, janë lënduar gjashtë persona. Sipas Ministrisë së Situatave Emergjente, zjarri u shkaktua si pasojë e rrjedhjes së një kutie me gaz dhe ka ndodhur në një zonë nëntokësore afër stacionit Kolomenskaya, në pjesën juglindore të qendrës së Moskës.

Njoftimi thotë se kutia e gazit është përdorur nga ekipet që po kryejnë riparime në zonat që shfrytëzohen nga pasagjerët.

Shpërthimet afër metros së Moskës nxisin gjithnjë shqetësim sepse terroristët më parë kanë pasur cak ato në sulmet vdekjeprurëse në të kaluarën.