Moti i acartë ka mbërthyer Shqipërinë dhe mbrëmjen e kaluar i gjithë vendi ka kaluar natën më të ftohtë me një rekord temperaturash nën minus. E njëjta situatë është edhe ditën e sotme, ku temperatura janë shumë të ulëta. Si pasojë e të ftohtit por edhe epidemisë së gripit u mbyllën kopshtet, shkollat dhe universitetet për 2 javë, por ajo që iu intereson më shumë njerëzve është të dinë kur do marrë fund i ftohti polar, dhe kur do të mund të dalin lirshëm nga shtëpitë e tyre.

Metereologët thonë se acari do të jetë edhe për një javë. Temperaturat megjithëse rritën të hënën dhe të martën, do jetë një rritje e lehtë dhe jo shumë e ndjeshme, me afërsisht 3 deri në 4 gradë. Rritja më e ndjeshme do të fillojë nga dita e Mërkurë dhe deri në fundjavë. Ndërsa dita e premte do të jetë ajo në të cilën do të kemi rritje të ndjeshme të temperaturave në të gjithë vendin ku do të fillojnë reshjet e shiut në ultësirën perëndimore dhe reshje bore në zonat malore. Ngricat do të jenë prezente gjatë gjithë kësaj javë.