Reshjet e dëborës kanë sjellë uljen e temperaturave në mbarë vendin, duke prekur dhe temperaturat në zero gradë celcus. Sipas parashikimit të motit nga Emergjencat Civile gjatë ditës së sotme mbi vendin tonë do të mbizotërojë mot me vranësira të dendura në pjesën e parë të ditës dhe prej orëve të pasdites do të ketë përçarje të vranësirave deri në kthjellime.
Reshje shiu të herë pas hershme me intensitet të dobët, lokalisht mesatar në formën e shtrëngatave në pjesën jugore deri në orët e drekës. Ndërkohë gjatë orëve të para të ditës në zonat malore të vendit ka pasur reshje të dendura dëbore në lartësitë mbi 400 metër. Në zonat veriore dhe lindore do të ketë reshje dëbore me intensitet të ulët deri në lartësitë 500 metër.
Temperaturat ekstreme, pritet të luhaten:
Në vendet malore: temperaturat minimale do të zbresin deri në -4°C, ndërsa ato maksimale do të ngjiten deri në 3°C.
Në vendet e ulëta: temperaturat minimale do të zbresin deri në 0°C, ndërsa ato maksimale do të ngjiten deri në 9°C.
Në bregdet: temperaturat minimale do të zbresin deri në 0°C, ndërsa ato maksimale do të ngjiten deri në 11°C.