I nxehti duket se do të vijojë edhe këtë javë. Sinoptikanët parashikojnë së temperaturat e larta që kanë pushtuar vendin nuk do të ndryshojnë deri në datën 10 gusht. Edhe dita e sotme kishte rezervuar temperatura të larta, deri në 38 gradë C. Vala e të nxehtit Afrikan që ka pushtuar vendin pritet të largohet vetëm në fundjavë. Sipas Meteoalb, vala e të nxehtit do të tërhiqet të premten nga Europa, duke i lënë vend normalitetit termik të muajit gusht. Dita e nesërme do të shënojë pak rënie, pasi temperaturat parashikohet të shkojnë 36 -37 gradë. Përsa i përket tablosë së reshjeve, ato priten kryesisht në 15 ditëshin e dytë, por në sasi të pakta dhe jo në të gjithë territorin. Shirat afat-shkurtër do të përfshijnë zonat malore dhe një pjesë të zonës së ulët në datat 8 – 9 – 10 gusht 2017. Fundjava tjetër sjell renie me të paktën 5°C duke bërë që maksimumi në rang vendi të zbresë në 34 – 35°C. Keto jane edhe vlerat normale qe shenon termometri ne muajin e fundit te veres.