Nuk ka paqe për botën e motoçiklizmit. Këtë herë bëhet fjalë për pilotin italian, Max Biaggi, i cili ka pësuar një aksident të rëndë dhe është shtruar menjëherë në spitalin San Camillo të Romës me emergjencën e kodit të kuq. Ai pësoi një aksident me motorrin e tipit supermotard në pistën e Sagittarios në Latina. Biaggi u transportua direkt me helikopter ndërkohë që gjendja e tij është shumë e rëndë. Sportmediaset bën me dije se bëhet fjalë për një traumë të fortë në kafazin e kraharorit dhe në shtyllën kurrizore.