Kourtney Kardashian dhe Scott Disick duket se kanë vendosur që t’i japin marrëdhënies së tyre edhe një shans tjetër. Çifti nuk është treguar kurrë i qëndrueshëm dhe gjithmonë është ndarë dhe ribashkuar, por këtë herë dukej se bëhej fjalë për një krisje përfundimtare. Megjithatë duket se nuk ishte e thënë dhe arsyeja janë 3 fëmijët që i kanë lidhur një herë e mirë me njëri-tjetrin. Fillimisht kishin qëndruar miq duke u frekuentuar rregullisht për hir të fëmijëve, ndërsa tani kanë vendosur që ta provojnë përsëri qëndrimin bashkë. Mësohet se një afrimitet i tillë ka ardhur si pasojë e ndryshimit rrënjësor të Scott, i cili ka hequr dorë nga festat e tërbuara dhe ka qëndruar larg titujve kryesorë të mediave të skandalit.