Ata u bekuan me një vajzë të quajtur Hana. Pak orë pas lindjes, këngëtarët publikuan menjëherë fotografi të vogëlushes, madje krijuan dhe një profil personal për të në ‘Instagram’. Hana ka vetëm pak ditë që ka ardhur në jetë dhe ka rrëmbyer zemrën e të gjithë fansave të prindërve të saj.

Nga fotot e postuara fansat vunë re se vogëlushja kishte një ngjashmëri të madhe me të atin. Këtë gjë e ka pranuar së fundmi edhe vetë Loredana.

Këngëtarja ka publikuar në ‘Instastory’ një foto të vajzës dhe përkrah saj ka shkruar: “Mozzik i vogël”.

Edhe pse shumë e vogël dhe ndoshta tiparet e saj mund të ndryshojnë me kohën, por tani biem të gjithë dakord se ajo dhe Mozzik ngjajnë si dy pika uji.