Pas artikullit të revistës prestigjoze Billboard në të cilin Dua Lipa u rendit tek 10 artistët e rinj që duhen ndjekur këtë vit, tashmë është MTV ajo e cila pritet t'i japë një çmim të rëndësishëm këngëtares nga Kosova. Më konkretisht bëhet fjalë për titullin "Best Push Artist", një çmim dedikuar artistëve të rinj të talentuar që kompanitë diskografike dëshirojnë të evidentojnë para syve të publikut. 

Një fakt të tillë e ka bërë të ditur vetë Dua Lipa përmes një postimi në Instagram, ku ka ftuar të gjithë fansat e saj ta votojnë online. Kujtojmë që në këtë kategori dikur bënin pjesë emra si Justin Bieber, Ke$ha apo Bruno Mars. Ceremonia e MTV European Music Awards do të mbahet më 6 nëntor në Rotterdam! Për të votuar klikoni këtu: http://tv.mtvema.com/_/dua-lipa