Teksa ishte e ftuar në emisionin “Treshat” me Bora Zemanin dhe vëllezërit Veshaj, Eneda Tarifa ka bërë një rrëfim të sinqertë për marrëdhënien e saj me të bijën, duke prekur publikun.

Eneda rrëfeu në “Makinën e së vërtetës” se shumë herë, në mënyrë të pavetëdijshme, nervat dhe streset e punës ia shkarkon të voglës së saj, Arias.

Megjithatë, Eneda nuk ngurron t’i kërkojë falje të bijës për veprimin e saj të paqëllimshëm.

“Ndodh, por e marr dhe ja shpjegoj, madje shpesh i kërkoj dhe falje. Unë di të them më fal. Vajzës i kërkoj shpesh falje”, u shpreh këngëtarja e emocionuar, duke marrë duartrokitjet e sallës.

Gjithashtu, e pyetur nëse po mendon një martesë të dytë, Eneda u përgjigj se do të martohej sërish nëse do të gjente personin e duhur.