Ata janë përfolur shumë për një lidhje romantike, veçanërisht pasi një video ku performonin si dy të dashuruar, u publikua në Instagram. Ajo video u bë shkas që Flori dhe Fifi të bëheshin dyshja më e preferuar e showbiz-it dhe t’i bënin fansat të mendonin se mes tyre ka më tepër sesa shoqëri.

Megjithatë shumë shpejt u zbulua se ata janë duke punuar për një këngë të re e cila do të titullohet "Ta dua zërin". Së fundmi burime për "Prive" kanë zbuluar se kënga është drejt përfundimit dhe është një mesazh sensibilizues për personat që nuk flasin dot.

Kujtojmë që pak vite më parë Flori solli një këngë të ngjashme me Ledrin “Beautiful” që u prit mjaft mirë nga fansat dhe i preku të gjithë.