Mungesa e mjekëve në rrethe është kthyer në një problem vërtetë madhor. Për këtë qëllim Ministria e Shëndetësisë ka nisur një projekt, në mënyrë që në spitale mos të mungojnë mjekët. Është kryeministri Edi Rama, i cili në një status në facebook sqaron se Qendra Universitare e Tiranës po zbaton projektin e patronazhimit të spitaleve rajonale. Shembulli i parë është ai i spitalit të Burrelit, spital në të cilin mungonin mjekët gjinekologë.
Edi Rama:
“MIRËMËNGJES ?
dhe me këtë shembull se si sistemi i patronazhimit të spitaleve rajonale e bashkiake nga qendrat universitare të Tiranës po zbatohet për nënat dhe fëmijët në spitalin e Burrelit, ju uroj një javë të mbarë ?”
Mesazhin kryeministri e përcjell edhe përmes një video ku mjekët sqarojnë se çfarë po ndodh në spitalin e Burrelit.