Marrëdhënia me balerinin spanjoll 32 vjeçar Pepe Munoz ka lënë të gjithë botën e spektaklit pa fjalë. Jo se partneri është shumë më i ri se ajo, se diçka të tillë në Hollywood e kemi parë pafund, por se këtu bëhet fjalë për Celine Dion! Pikërisht ajo që vuri disa herë në pauzë karrierën e saj për t’iu përkushtuar burrit që ishte në prag të vdekjes. Madje i qëndroi pranë për vite e vite me radhë gati duke u vetësakrifikuar vetëm për hir të tij. Megjithatë, një vit pas vdekjes së Rene Angelil, duket se ka ardhur koha që bukuroshja 49 vjeçare të ecë përpara në jetën e saj, siç thotë dhe superhiti i i saj “My Heart Will Go On”. Pas kaq vitesh vuajtje, padyshim që e meritonte një fillim të ri në jetë.