Nami i bukurive të vendeve Shqiptare kësaj radhe ka shkuar deri në Australi.

"Saranda është një vendpushim në Rivierën Shqiptare, e cila është po aq e njohur për rrënojat arkeologjike dhe plazhet e saj. Shqipëria e meriton të jetë në listën e pushimit tuaj të ardhshëm", shkruan Business Insider Australia, në një artikull të fundit.

Artikulli i titulluar ’40 destinacionet e nënvlerësuara në botë’, e gjen Shqipërinë në listën e australianëve tashmë, duke u krenuar jo vetëm me rivierën dhe plazhin, por edhe më kulturën, trashëgiminë botërore pjesë të UNESCO-s etj.

“Ndërsa ju do të gjeni eshtrat e një sinagogë të shekullit të 5 në vetë qytetin e Sarandës, një vend i Trashëgimisë Botërore të UNESCO-s që daton në kohët parahistorike ndodhet rreth 12 milje jashtë Sarandës. Vendi, Butrinti, gjatë historisë së saj funksiononte si një koloni greke, një qytet romak dhe një peshkop. Nëse preferoni të kapni disa rreze, disa nga plazhet më të njohura në zonë përfshijnë Plazhin e Pasqyrave, Santa Quaranta Beach dhe Plazhi i Pulëbardhës”, thuhet në artikullin e BIA.

Si një bonus shtesë, ishulli grek i Korfuzit është shumë pranë, vetëm përmes një udhëtimi të shkurtër me traget nga Saranda.

Destinacionet e tjera të përmendura në shkrim përfshijnë: Bergen Norvegji, ishulli Anguilla, Valparaiso në Kili, Liqeni Bohinj në Slloveni, Teksas SHBA, Alberta Kanada, Pulia në Itali, La Roque-Gageac në Francë, shteti i pasur i Liechtenstein, Extremadura në Spanjë etj.

Ky artikull vjen i dyti brenda javës, pas atij të medies së njohur zvicerane Tagesanzeiger, e cila theksonte se zviceranët pritet të mbushin plazhet shqiptare vitin e ardhshëm.