Ekipet e NASA-s po punojnë që të kthejnë në realitet jetesën në planetin Mars. Ata kanë krijuar një robot i cili është i aftë për të punuar në terrene të vështira. Roboti mund të përdori mjete pune që i përdorin njerëzit dhe mund të eci në çdo terren që ja cakton kompania për të punuar pa u dëmtuar.

Ekspertët e NASA-s shpresojnë se ky robot do ti ndihmojë ata të ndërtojnë jetën në Hënë ose në Mars, pasi deri tani sipas tyre njerëzit nuk mund të punojnë dot me orë të zgjatura në këto planetë.

Sipas NASA-s roboti nëse nuk do të ndihmojë të ndërtohet jeta në këto dy planetë, do të përdoret në tokë për ti ardhur në ndihmë njerëzve në terrenet që ata nuk operojnë dot.

Ekipet e NASA-s po zgjedhin dhe projektet 3D të banesave që mund të ndërtohen në planetin e kuq.

Këtë sfidë e ka nisur që në vitin 2015 dhe deri tani ka 3 finalistë me punimet e tyre 3D të banesave që mund të ndërtohen në Mars. Dizejnuesit e banesave sigurojnë se gjatë krijimit të jetesës në hapësirë do të marrin parasysh të gjitha parametrat psikologjike dhe fiziologjike të qenieve njerëzore. Ekipet e NASA-s shprehen optimistë për të treguar sesi teknologjia po i ndihmon të krijojnë vendbanime jashtëtokësore.

Pavarësisht se akoma nuk kanë zgjedhur fituesin e projektit, NASA ka shfrytëzuar teknologjinë për të ndërtuar robotin punëtor.