Naser Aliji te Kaizerslautern. Mbrojtësi i Kombëtares Shqiptare do ta vijojë në Bundesligën e dytë Gjermane karrierën duke nisur që nga kjo verë.

Futbollisti ka lënë në mes pushimet e tij pas Euro 2016, për të udhëtuar sipas të përditshmes gjermane “Kicker”, gjatë ditës së premte, futbollisti do të kryejë vizitat e detyruara mjekësore, para se të hedhë firmën në kontratën tre vjeçare me këtë klub.

Nuk është mësuar ende se sa do të paguajë Kaizerslautern për lojtarin i cili kishte edhe një vit të mbetur në kontratën e tij me Bazelin.

Aliji ishte monitoruar edhe nga Hanoveri, që kishte kontaktuar me mbrojtësin e majtë të përfaqësueses shqiptare, por ai ka zgjedhur përfundimisht Kaizerslauternin, një nga klubet më të njohur në Gjermani.