Këngëtarit të njohur shqiptar i ka ndodhur diçka e pahijshme ditën e sotme pasi disa persona të paidentifikuar i kanë hakuar instagramin. Bëhet fjalë për këngëtarin e muzikës popullore qytetare Meda për të cilin u përhap lajmi se është ndarë nga bashkëshortja e tij me të cilën gëzon një romancë të lumtur.

"Tradhtare fajtore s'meriton te flas por meriton perjete t'mallkoj e ne fund te vras. Publikisht sot me daten 10 shtator 2018 ndahem nga gruaja ime", shkruhej në postimin e Medës në Instagram, por u sqarua menjëherë se atij i ishte hack-uar instagrami.

Këngëtari i mirënjohur e ka mohuar ndarjen nga bashkëshortja për lajmi.net si dhe ka treguar se dikush ia ka hakuar llogarinë e tij në Instagram.”Dikush është futur në Instagramin tim dhe e ka bërë postimin të cilin më pas e kam fshirë. Jam duke u përpjekur ta rikthej llogarinë time”, tha Meda.