Mjeshtri i madh i penës, Dritëro Agolli, është ndarë nga jeta ditën e sotme, dhe vdekja e tij ka hidhëruar jo vetëm lexuesit dhe dashamirësit e krijimtarisë së tij, apo edhe miqtë e tij shkrimtarë, por edhe  personazhet e njohur të ekranit të cilët kanë zgjedhur të shprehin dhimbjen dhe ngushëllimet e tyre në rrjetet sociale. Dikush ka zgjedhur të postojë disa rreshta të ndjerë, e dikush ka vendosur të shkruajë disa vargje nga poezitë e mrekullueshme te Agollit.

Ja disa nga personazhet e njohur që kanë reaguar për humbjen e shkrimtarit të madh shqiptar.

“Lajmi i vdekjes së Dritëro Agollit ka qenë një nga njoftimet më tronditëse të këtij dimri, jo vetëm për njerëzit e artit, por për gjithë shqiptarët, kudo ku ata ndodhen. Dritëro Agolli ka qenë dhe do të mbetet përgjithmonë i pazevendësueshëm në vlerat dhe në dramën hijerëndë të letërsisë shqiptare.
Ai do të na mungojë të gjithëve.
Ismail Kadare
Paris”