Reperi i famshëm Mac Miller është ndarë nga jeta ditën e sotme në moshën 26-vjeçare. Mësohet se ish i dashuri i Ariana Grande vdiq si pasojë e mbidozës së drogës siç bën me dije TMZ.

Trupi i tij u gjet në shtëpinë e tij në Luginën e San Fernandos këtë të premte në Los Angeles.

Prej disa kohësh ai po vuante nga probleme të tilla dhe vdekja e tij i ka shokuar të gjithë fansat. Shumë prej tyre kanë reaguar në rrjetet sociale, por edhe VIP-at shqiptarë janë tmerruar nga ky lajm. Është Dafina ajo që ka publikuar në instastory lajmin e TMZ dhe thotë u prehtë në paqe duke shprehur dhimbjen e saj. Të njejtën gjë ka bërë edhe Capital T, i cili duket i shokuar dhe pyet: Çfarë po ndodh me botën.