Athletico Madrid ka regjistruar një tjetër hap fals në kampionat duke barazuar 1-1, në transfertën ndaj Deportivo La Coruna-s, qe kaloi e para në avantazh me Andone në minutën e 13-të. Skuadra e At. Madrid barazoi rezultatin me Griezmann në minutën e 68. Por më shumë se sfida vëmendjen e mori dëmtimi i Fernando Torres në minutën e 85-të. Në përpasjen me Alex ai humbi ndjenjat në fushë pas një rrëzimi të frikshëm. Mjekët kanë konfirmuar se sulmuesit spanjoll i është kthyer vetëdija madje ai është në gjendje edhe të flasë, dhe gjatë ditës së sotme do t’i nënshtrohet kontrolleve të tjera mjekësore dhe do të mbahet nën vëzhgim të rreptë.

Sevilla nga ana e saj bëri detyrën në një ndeshje shumë të luftuar me Bilbaon duke ju afruar më shumë Realit të vendit të dytë. Andaluzianët fituan 1-0 me një gol të Iborras në të 14-tën që ktheu në gol penalltinë e kthyer nga Iraizoz pas goditjes së Joveticit.

Me këtë fitore, Sevilla konfirmohet si pretendente për titull, pasi pozicionohet në vendin e tretë, me 55 pikë, dy më pak se Barcelona kryesuese.