Duke nisur nga data 1 Janar 2019, asnjë mjet nën Euro 4 nuk do lejohet të importohet nga jashtë. Shqipëria rezulton sipas studeimeve si shteti me makinat më të vjetra në Europë dhe ato janë shkaktarë për ndotjen e madhe në ajër. Kjo masë pritet të lerë pa punë mijra shqiptarë. Për këtë arsye në Durrës, tregtarët e automjeteve të përdorura kanë nisur protestat. Ata thonë se vendimi lë pa pune 5 mijë persona.

“Kemi dalë sot në protestë sepse është logjike. Nëse një punëtor krahu në Shqipëri e ka rrogën 200 mijë lekë apo 300 mijë lekë, si mund ta blejë ai një makinë të vitit 2009? Një makinë e 2009-ës më e keqja minimalisht është 5 mijë euro, plus doganën. Ne i marrim makinat nga Gjermania, Italia, Zvicra, nga gjithë shtetet e Europës. Kur nuk e kanë ata këtë ligj, pse duhet ta vëmë ne”,- shprehen pronarët e tyre.