2019 nuk ka qenë shumë i ëmbël për disa nga personazhe të njohur të showbizit. Shumë zemra janë thyer dhe ndoshta shumë lot janë derdhur. Fillimi i 2019 ka qenë një vit i vështirë për disa vip-a të showbizit, pasi shume çifte janë ndarë deri më tani.

Komediani i njohur Pete Davisdsion u nda me aktoren Kate Beckinsale pas 4 muajsh lidhje. Ka qenë Kate që i dha fund marrëdhënies pasi ishte e shqetësuar nga ndërhyrja e mediave në marrëdhëniet e tyre, kështu që ajo vendosi t’i japë lamtumirën komedianit të ri. Burime nga familja e çiftit të njohur thonë se ata vazhdojnë të mbeten ende shokë, por historia e tyre e dashurisë ka përfunduar tashmë. Lajmi duket i papritur në një kohë që vetëm 1 muaj më parë Beckinsale foli për marrëdhënien e saj me Davidson në një intervistë për “Los Angles Times”.

2019 nuk ka qenë një vit i mirë për këngëtaren Demi Lovato nga ana emocionale. Këngëtarja 26 vjeçare dhe dizajneri Henry kanë shkëputur marrëdhënien e tyre katër muaj pasi nisën lidhjen. Demi dhe Henry u lidhën fillimisht në nëntor pasi u panë në darkë në një restorant sushi në Los Angeles, shumë shpejt pasi Demi doli nga rehabilitimi. ‘People’ka shkruan se edhe Henry ishte i varur dhe abuzonte me lëndët narkotike dhe se Demi vendosi që më mirë t’i jepte fund kësaj lidhje dhe të mbante afër vetes njerëz që e shtynin drejt gjërave të mira dhe pozitive.

Një ndarje që ka bërë zhurmë është ndarja e Adele me bashkëshortin e saj Simon Konecki, 3 vite pasi u martuan në fshehtësi të plotë. Këngëtarja u martua me Koneckin, sipërmarrës i një shoqate bamirësie, në vitin 2016 pas 5 vitesh lidhjeje. Çifti tha se kërkon privatësi dhe nuk dha detaje të mëtejshme mbi arsyet e ndarjes, por ata u shprehën se do të angazhohen maksimalisht për rritjen e djalit të tyre 6-vjeçar.

Edhe Lady Gaga i dha fund marrëdhënies me të fejuarin e saj në shkurt të 2019-ës. Sipas burimeve afër saj mësohet se arsyeja se përse çifti i kanë dhënë fund fejesës kanë qenë mosmarrëveshjet mes tyre. Dyshimet e para për këtë ndarje hedhur pasi Gaga prej kohësh nuk e mban me unazën gjigande të fejesës. Gjithashtu në evente të ndryshme ku ka qenë pjesë këngëtarja, i fejuari i saj nuk ka qenë i pranishëm.

Ka marr fund edhe romanca mes këngëtares Rita Ora dhe aktorit të njohur, Andrew Garfield në mars të këtij viti. Këngëtarja 28-vjeçare thuhet se ndihet e shkatërruar nga vendimi i Garfield për t’i dhënë fund lidhjes së tyre pas katër muajsh lidhje. Aktori i njohur nuk donte ta vazhdonte këtë marrëdhënie pasi lidhja e tyre po komentohet shumë në media dhe ai nuk e duronte dot gjithë këtë presion.

Fatkeqësisht është ndarë edhe modelja Kendall Jenner me Ben Simmons pas më shumë se një viti lidhje. Nuk ka një arsye të fortë për ndarjen e tyre, por thjesht ata kuptuan që janë më mirë pa njëri-tjetrin dhe mesa duket Kendall nuk është mërzitur aspak për këtë gjë, por ajo po shijon më së miri kohën me miqtë e saj.

Zyrtarisht, ka përfunduar gjithçka mes artistes së njohur të muzikës botërore Fergie dhe bashkëshortit të saj, aktorit Josh Duhamel.Dyshja që pranoi ndarjen 2 vite më parë, në shtator të 2017-ës, tashmë kanë firmosur divorcin, që i dha fund bashkëjetesës së tyre 8-vjeçare. Ky lajm është bërë publik vetëm para 3 ditësh.

Ndërkohë që një ndër historitë më të bujshme në media është ajo e Khloe Kardashian me Tristan Thompson. Ky i fundit e ka tradhëtuar disa herë ylli i reality shoë dhe mesa duket Khloe është ndarë përfundimisht 10 muaj skandalit të tradhëtisë. Sipas burimeve për ‘Radar’, Khloe dhe Tristan janë duke jetuar shumë larg njëri-tjetrit dhe ajo ndihet më mirë si një mama beqare. Tradhtia e tij m shoqen e ngushtë të Kylie Jenner, Jordyn Woods, ka bërë që ajo të mos mendohet dy herë, por që t’i jap fund njëherë e përgjithmonë marrëdhënies së tyre.