Ana Kabashi është një nga këngëtaret më të reja që ka hyrë fuqishëm në tregun muzikor.

Përveç kësaj ajo është nga të paktat personazhe publike të cilat disa të vërteta i ka thënë hapur për mënyrën se si funksionon industria e muzikës.

Në emisionin “Thumb”, Ana ndaloi të fliste edhe për një fenomen shqetësues që i përket botës së showbizz-it. Shumë prej personazheve nuk i pranojnë ndërhyrjet plastike që kanë bërë në trupin apo fytyrën e tyre, jo vetëm në Shqipëri, por në të gjithë botën.

E pyetur në lidhje me operacionet plastike të cilat është ndër të vetmet këngëtare që i ka pranuar, Ana u shpreh për këtë fakt se:

“Është normale ta thuash se i kam bërë sepse vërehen ndryshimet. Për mu nuk është diçka absurde, sepse sa të rrish para pasqyrësh të thush nuk e kam këtë se kam atë, bëje o vlla. Sa ta mbajnë xhepi mbaje.

Por nuk është se ma ka kthy vetëbesimin. Atëherë kam qenë ma e vogël dhe kam mendu ma ndryshe, por po të rikthehesha e kisha lan kështu, nuk e kisha ba kurrë. Njerëzit janë gjithmonë të pakënaqur sepse edhe nëqoftëse e ke ba hundën ti njerzit do të gjejnë diçka.“- përfundoi Ana.