Lufta e gjatë e Angelil me kancerin ka marrë fund ditën e djeshme kur ai ndërroi jetë në shtëpinë në Las Vegas. Bashkëshorti i divës së muzikës u diagnostikua me kancer në fyt në vitin 1998 duke përballuar kështu sëmundjen për plot 18 vjet. Gjendja e keqe shendetësore e Rene nuk ishte sekret pasi Celine është shkëputur shpesh nga muzika për t’u përkujdesur për këngëtarin kanadez. Ai u përkeqësua veçanërisht gjatë vitit të kaluar duke detyruar këngëtaren 47 vjeçare që të anullojë spektaklin e saj në Las Vegas. Megjithatë largimi i tij nga jeta ishte i papritur për familjen pasi TMZ bën me dije se ai së fundmi kishte filluar të ndjehej më mirë. Rene Angelil ishte 73 vjeç.