Mafiozi James (Whitey) Bulger, 89 vjeç është gjetur i vdekur në burgun amerikan të Virxhinias. Po për vdekjen e tij ka dyshime. Zyra Amerikane e Burgjeve ka nisur hetimin ndaj një mafiozi tjetër, që mund ta ketë vrarë.
Bulger ishte i dënuar me dënim të përjetshëm. Ai ka qënë një nga të arratisurit më të famshëm të Amerikës dhe që u bë edhe informator i FBI-së pas hyrjes në burg.
11 akuza rëndonin mbi të. Ai ka vrarë dëshmitarët që mund ta çonin në arrestim dhe ka korruptuar zyrtarë të lartë. Arrestimin e tij e bëri të mundur denoncimi i një vajze e cila merrte pjesë në një konkurs bukurie në Kaliforni. Në atë kohë Bulger jetonte me të dashurën e tij Catherine Greig, e cila u burgos si fajtore se e kishte strehuar.