Ka përfunduar me rezultatin 1-0 për vendasit në miqësoren e luksit midis Gjermanisë dhe Anglisë, duhej të ishte ndeshja e tij dhe ashtu rezultoi, lamtumirë më të bukur nga Gjermania nuk mund të kishte për Lukas Podolskin.

Sulmuesi me origjinë polake kishte njoftuar se kjo do të ishte ndeshja e fundit e tij me kombëtaren gjermane dhe trajneri Joakim Low, i kishte rezervuar një vend në formacionin e ekipit.

Me shiritin e kapitenit në krah sulmuesi 31-vjecari shënoi një supergol ,duke mbyllur më së miri karrierën e tij të suksesshme me ekipin e Gjermanisë.

Anglia luajti më mirë por fati nuk ishte me 3 Luanët pasi shtylla i tha jo golit të Adam Llallanas. Në të 41-tën Dele Alli humbi një mundësi të shkëlqyer për t’i dhënë avantazhin miqve.

Stadiumi shpërtheu në ovacione duke i dhënë lamtumirën e merituar një futbollisti që la gjurmë në futbollin gjerman. Lukas Podolski ka debutuar me kombëtaren e madhe gjermane, në vitin 2004 dhe që atëherë, ka luajtur 130 takime dhe ka shënuar 49 gola.