Ishin një nga çiftet më të pëlqyer nga publiku shqiptar, por para 3 vitesh Cozman dhe Tuna i dhanë fund lidhjes së tyre. Mirëpo mesa duket Cozman se ka harruar ende këngëtaren, pasi ka ngritur shumë dyshime me foton që ka publikuar së fundmi.

Bëhet fjalë për mikrofonin e famshëm me emrin e tij, që ia ka dhuruar Tuna kur Cozman kishte ditëlindjen në 3 gusht 2015. Në atë kohë, Tuna publikoi në profilin e saj në Instagram dhuratën për të dashurin e saj, mikrofonin me gurët e shndritshëm që formonin emrin Cozman.

Pikërisht 3 vjet më pas, Cozman ka publikuar foton e mikrofonit, ndoshta për të kujtuar Tunën se ende mendon për të dhe kohën kur ishin bashkë.