Që kur janë fejuar dhe u bënë prindër të një djali të quajtur London Noor, të gjithë kanë qenë në pritje të ditës së madhe kur Ledioni dhe Sara Hoxha do të lidhin kurorë.
Prej vitesh Ledioni është pjesë e Top Channel ku ka drejtuar shumë emisione të ndrshme dhe së fundmi ka qenë moderatori i “The Voice”.

Por nëse keni menduar se një staf i madh punon për pamjen e Ledionit, gaboheni, sepse nuk ndodh gjë pa konfirmimin e Sarës. Ka qenë vetë moderatori që e ka zbuluar diçka të tillë, gjatë një videomateriali në ‘Pop Culture’, dedikuar ‘Voice Kids’.

Liço duke bërë një foto para pasqyrës, ka zbuluar se foton e ka realizuar për Sarën. “Po ia dërgoj Sarës për konfirmim…”, ka thënë Ledioni në humor e sipër. Diçka që e bën gjithmonë apo në raste të veçanta?

“Përgjithësisht nuk marr konfirmim, por ndodh që Sara më thotë: ‘Nuk je keq sonte'”, ka vijuar dhe më tej mes të qeshurash, moderatori.

Pra pamja dhe prezantimi i Ledionit në “Voice Kids” është shumë “made in Sara”.