Ermal Hoxha, nipi i diktatorit Enver Hoxha është liruar nga burgu pasi u arrestua në janar të vitit 2015 pas operacionit “Xibraka” në Elbasan ku u sekuestrua një laborator ku përpunohej drogë e llojit kokainë.

Ai ishte dënuar për trafik narkotikësh në tentativë. Hoxha u dënua me 10 vite burgim me gjykim të shkurtuar, së bashku me anëtarët e tjerë të grupit ‘Xibraka’. Nga gjykimi i shkurtuar dënimi zbriti në 6 vite dhe 8 muaj burgim. Ermal Hoxha është liruar me kusht.

Sipas “BIRN” ai kishte dërguar në Gjykatën e Fierit një kërkesë për lirimin me kusht, me pretendimin se ishte riedukuar dhe ishte i gatshëm të integrohej në shoqëri. Gjithashtu ai ka paraqitur edhe një kontratë pune për punësim si ekonomist në kompaninë e bashkëshortes. Më pas Gjykata ka vendosur ta lirojë duke përmendur si argument riintegrimin në shoqëri dhe punësimin në kompaninë e të shoqes. Gjithashtu Gjykata ka marrë parasysh edhe faktin se Ermali ishte baba i një fëmije të mitur.

View this post on Instagram

Familja ime e vockel u bashkua?? Faleminderit per cdo fjale e mbeshtetje qe kam ndjere nga ju , keto vite te veshtira... Uroj nga zemra per gjithsecilin nga ju, te gjitha urimet qe me keni dhene, tju kthehen ne bekime ne jetet tuaja❤️

A post shared by rezartashkurta (@rezartashkurta) on Sep 17, 2018 at 12:45pm PDT