Këngëtarja shqiptare Ava Max ka kujtuar kohën kur ka emigruar në Amerikë për herë të parë si dhe ëndrrat që ka patur.

“Isha një vajzë e vogël nga një familje shqiptare që erdhëm këtu vetëm me rrobat e trupit”, shkruan Ava Max teksa motivon fansat e saj të besojnë gjithmonë në realizimin e ëndërrave.

“Në jetë, ekziston e mira dhe e keqja. Dhe besoj se e mira mbizotëron gjithmonë. Kam mësuar veçanërisht nga e kaluara ime që vetëm vendimet e tua mund të të ndalojnë. Edhe nëse kartat janë grumbulluar kundër jush, ka një rrugëdalje. Nëse unë mund të jetoj ëndrrat e mia, edhe ju mundeni. Unë isha thjesht një vajzë e vogël nga një familje shqiptare me ëndrra të mëdha që erdha në Amerikë me asgjë përveç rrobave në trup. Unë po ju them këtë sepse besoj se mund të bëni gjithçka”, shkruan këngëtarja me origjinë nga Saranda.