Padiskutim është dasma më e madhe e vitit dhe na ndajnë pak ditë nga ajo. Prej muajsh është folur dhe stërfolur për dasmën e Princit Harry me Meghan Markle dhe nga dita në ditë po dalin detaje të reja. Dilemë mbetet fakti se kush do e shoqërojë Meghanin drejt altarit, por qenka shumë interesant një rregull që është vënë, i cili me siguri s’do u pëlqejë të ftuarve.

Rregulli e thotë qartë se nuk do të lejohen telefonat në mënyrë kategorike. Pra, publiku nuk do të mund të shohë asnjë foto/selfie nga dasma mbretërore. E gjitha kjo bëhet përshkak që e gjithë vëmendja të jetë tek Princ Harry dhe Meghan, dhe që atë ditë mediat mos të përballen me ndonjë incident që mund të ndodhë gjatë dasmës së 19 majit.