Ndonëse shpesh shohim anën e saj më ekstravagante dhe moskokçarëse, Roza Lati nuk kursehet të tregojë dhe anën e saj më të ndjeshme, e sidomos atë me kafshët.

Tashmë të gjithë e dimë se Roza i do dhe përkujdeset shumë për kafshët dhe madje jo pak herë ka deklaruar se i do ato më shumë dhe se njerëzit, duke ju referuar qenve të saj.

Disa ditë më parë “Daily Mail” publikoi pamje nga kopshti zoologjik i qytetit të Fierit ku kafshët aty ndodheshin në gjendje të mjerueshme, gjë e cila trazoi jo pak opinionin publik.

Kjo ngjarje duket se e ka prekur mjaft dhe moderatoren e cila nuk ka ngurruar të reagojë duke ndarë një sërë fotosh me ndjekësist e saj ku fliste për këtë fenomen duke bërë thirrje për sensibilizim.

Të shumta ishin dhe reagimet e fansave të cilët i tregonin detaje mbi fenomenin të cilat roza i ka ndarë në Instastories.