Mesa duket solidariteti mes shoqesh është kthyer në një armë të vërtetë, e cila është e gjitha e drejtuar për nga Zayn Malik. Madje duket gati-gati sikur albumi i ri është bërë vetëm për t’u tallur me britanikun 23 vjeçar, pasi përveç këngëve që janë shkruar kundër tij, edhe prapaskenat e koncerteve janë kthyer plotësisht në një zonë Anti-Zayn. Ditën e shtunë grupi i vajzave performoi këngën e ish të fejuarës së Malik dhe e gjithë kënga flet mbi “orgazmat false me një ish”. Nuk kërkon ndonjë mprehtësi të rrallë të kuptosh se bëhet fjalë për talljet e Perrie me aftësitë e Zayn në shtrat. Por ky duket se ishte vetëm fillimi. Tashmë e kishte radhën vajza tjetër e Little Mix, Jade Thirlwall e cila shfaqet në një video të vajzave duke imituar lëvizjet e kërcimit të Zayn në X Factor. Kjo ndërkohë që pjesa tjetër e Little Mix qesh në sfond në mënyrë histerike. Pyesim veten se çfarë e pret e nesërmja ish yllin e One Direction, pasi këto vajza as nuk kanë ndërmend të ndalojnë.