Është publikuar vetëm pak orë më parë klipi më i ri i Dua Lipës, një bashkëpunim me dy divat e njohura të muzikës Madonna dhe Missy Eliot!

“Levitating” titullohet kënga e re që është një remix i The Blessed Madonna, pjesë e albumit më të ri të Dua Lipës.

Por përpos bashkëpunimit të bujshëm, surpriza e klipit të ri është partneri i këngëtares shqiptare, Anwar Hadid.

Ai shfaqet në vetëm pak sekonda në klip, në disa skena mjaft romantike. Në njërën, çifti shfaqet i shtrirë në një fushë plot me lule, ndërsa në një tjetër, në makinë duke u puthur!

Dua Lipa e ka realizuar klipin gjatë karantinës, kur flokët e saj ishin në ngjyrë të kuqe. Shumë fansa të Madonna-s janë zhgënjyer kur kanë vënë re mungesën e këngëtares, e megjithatë bashkëpunimi është pëlqyer madje edhe nga familja e Anwar, nëna e të cilit nuk mund të rrinte pa i bërë një koment të ëmbël Duas.

Madje edhe kunata e saj Bella Hadid e ka shpërndarë klipin e këngëtares shqiptare dhe shkruan 'bunnies', duke treguar kështu se i pëlqen shumë si duket çifti.

Këngëtarja e cila tani ka rikthyer look-un e saj natyral, njoftoi pak më parë se i është rikthyer më fuqishëm se kurrë punës.